Información
Tlf 650902410
Estadística
Información
Inicio de sesión
Noticias Web FGA .- Sen sorpresas no autonómico indoor Sub-23
Sen sorpresas no autonómico indoor Sub-23
O Pazo dos Deportes de Riazor sería o escenario están fin de semana do Campionato de Galicia Indoor Sub-23 e do Sub-20 e Sub-18 dos 1.500 m. e 3.000 m.
Como era de agardar, a cita autonómica resultaría discreta a nivel de rexistros e resultados si ben compre salientar a Iago Nuñéz do Lucus Caixa Rural Galega quen se convertiría no dominador das probas de velocidade logo de acadar os títulos dos 50 m. con 6.35; 50 v. con 7.17 e nos 400 m. con 58.90. Da mesma maneira Paula Iglesias dominaría a distancia dos 400 m. baixando do minuto e parando o reloxo en 58.90.
Uxía Pérez logo de deixar atrás os seus problemas físicos volve pouco a pouco a acadar o seu nivel que a levarían a dominar as distancias dos 1.500 m. con 4:54.00 e os 3.000 m. con 10:29.30. Destacado papel de igual modo de Brandán Candal do C.A. Santiago quen se imporía nos concursos de altura con 1,64 m. e peso con 10,40 m.
No medio fondo e fondo o atleta Sub-20 Jorge Siera do Coruña Comarca lograría o título autonómico tanto nos 3.000 m. con 9:08.70 coma nos 1.500 m. con 4:11.70, proba esta última na que xoven valor do San Paio A Estrada El Medhi el Nabouai na Sub-18 non tería riváis rematando con 4:17.58.
Outras das actuacións salientables serían as de Estela Fernández do Lugo Runing R.L. quen gañaría o ouro nos 50 m. con 6.96 sendo prata nos 50 v. con 8.10; Mullenesh M. Porteiro da Sociedad Gimnástica sería campioa galega nos 800 m. con 2:43.47 e medalla de bronce na altura con 1,36 m. e Ainhoa Don do Riazor Coruña quen acadaría o título no concurso de altura con 1,45 m. e a prata no de lonxitude con 5,20 m.