Noticias Web FGA .- Ilusión, ganas e deportividade no Galego Escolar de Campo a Través

Noticias FGA

Ilusión, ganas e deportividade no Galego Escolar de Campo a Través

O servizo de Deportes da Xunta de Galicia na Coruña organizaría o pasado fin de semana o Campionato de Galicia de Campo a Través na que preto de 350 atletas procedentes de toda a Comunidade tomarían cita.
O circuíto da Praia de Cabío pertencente a Pobra do Caramiñal, volvería ser o escenario escollido para a disputa desta final onde se achegaban os mellores especialistas desta modalidade a nivel escolar clasificados entre os oito  primeiros en cada provincial así como os dous primeiros clubs.
A competición que daría comezo as 11:30 horas cas categorías Sub-12 vería como Ainara Fernández do Atletismo Noia impoñeríase na categoría feminina proclamándose campioa galega. Nos homes emocionantísima chegada entre Damián Suárez do C.N. Cedeira e Alex Sierpes do Trega quenes compartirían o mesmo tempo malia que o triunfo iría parar ó primeiro.  Por equipos primeira posición na categoría feminina para o Atletismo Noia por tan só un punto e para a Atlética Lucense en homes.
Xa na categoría Sub-14 novo triunfo para Carolina Santos do AVA que estaría acompañada nesa primeira posición por Brais Picón do Atletismo Fontes do SAR. Por clubs o RIA Ferrol-CCA acadaría os triunfos en ambas categorías.
Por último Elsa Pena do Atletismo Tui imporíase nunha emocionante chegada a Carla Guisande do Beade por apenas un segundo de diferencia. Máis doado foi o triunfo para Hugo García da Gimnástica quen dominaría a proba de maneira destacada. Por equipos o Atletismo Friol en mulleres e Ourense Atletismo en homes, subirían ó máis alto do podio.