Noticias FGA

Noticias Web FGA .- Claras opcións para os galegos en Murcia

Noticias FGA

Claras opcións para os galegos en Murcia

Son dous os importantes Campionatos de España que esta fin de semana se van a desenvolver e na que tomarán parte atletas galegos.
Para comezar Murcia acollerá o LXIV Campionato de España Sub20 ó que acoden vintetrés deportistas con opcións tanto ós postos de finalistas como mesmo de podio. Os focos de atención recaerán nos 800 m. no que o atleta do Coruña Comarca Elian Numa parte ca segunda mellor marca dos participantes. Interesantes resultarán tamén os 200 m. femininos ca presenza da atleta do Celta Andrea Pais cun rexistro acreditado este ano de 25.18
Sen lugar a dúbidas unha das claras apostas pola medalla de ouro será a que represente Raquel Meaños quen correrá os 800 m. figurando ca mellor marca das participantes con 2:07.05. Fernando Rial do A.Naron sairá nos 5.000 m., co obxetivo de estar nos postos altos da clasificación.
Nos valados curtos Santiago Rozas do Lucus Caixa Rural intentará acadar un bo resultado que pasa por rebaixar esos 14.33 MMT
Na especialidade de lanzamentos a presenza de Andrea González da Gimnástica en xavelina dalle un claro papel de favorita grazas a esos 45.59 m. que a sitúan cómodamente á cabeza das participantes. Xunto ela estará a coruñesa Ivanna Carolina Roman do RÍA Ferrol campioa nacional Sub18 o ano pasado. No resto de lanzamentos Jaime Arias do Riazor Coruña andará na procura de pasar dos 15.00 metros en peso ó igual que Claudia Puig da Gimnástica en disco sobre os 37.00.
De novo a marcha será a proba que máis opcións depare para os nosos atletas xa que na categoría feminina Antía Chamosa parte como indiscutible favorita sendo tamén clara candidata á prata Leyre Aramburo. Nos homes o celeste Brais Prieto nos 10.000 m.  estará metido de igual modo, na loita pola título nacional.

Noticias Web FGA .- Pleno dos equipos galegos nas categorías de Honra e Primeira

Noticias FGA

Pleno dos equipos galegos nas categorías de Honra e Primeira

Pleno dos equipos galegos nesta fin de semana durante o transcurso da terceira e última xornada do Campionato Nacional de Liga tanto en Honra como en Primeira División.
En Honra masculina, e como estaba previsto, magnífico encontro da Gimnástica de Pontevedra en Elche na que non tivo problemas para ocupar o segundo posto do grupo de permanencia o que lle garante sobradamente un ano máis na élite do atletismo nacional.
Na categoría feminina o RÍA Ferrol que a priori o tiña máis difícil, solventaría a súa fase de Valladolid cun gran encontro na que as ferrolanas amosaron motivos sobrados para manter a categoría. O remate ocuparon a quinta posición  a un só punto das cuartas nun moi traballado encontro.
Xa na primeira división e logo do excelente comportamento nas dúas fases previas dos equipos celestes, tocaba gozar desta fase de ascenso na que o equipo feminino asinaría un sexto lugar en Alcorcón e os homes o oitavo en Salamanca. Mesma sorte como se agardaba para o equipo da feminino da Gimnástica quen na súa fase de permanencia disputada en Valencia remataría nunha cómoda 4º posición.
Outro dos protagonistas sería o Atletismo Narón que viaxaba ata Madrid nunha empresa nada doada. Pese a elo e tamén nun magnífico encontro de permanencia dos naroneses, rematarían a súa fase de cuartos o que lles permite estar una ano máis nesta categoría xunto os dous conxuntos do Celta e da Gimnástica
Na fase de ascenso a Primeira Divisón o Club Atletismo Santiago que aspiraba a estar na loita directa polo ascenso, tería que conformarse ca quinta posición deixando malia elo, moi boas sensacións ós santiagueses.
Por último na Fase B2 de Primeira División disputado en Durando, o Lucus Caixa Rural Galega que acudía cos seus dous equipos, imporíase na categoría feminina ocupando o segundo lugar na masculino.

Noticias Web FGA .- A pista e a ruta marcaron a axenda para os Sub14 e os Máster

Noticias FGA

A pista e a ruta marcaron a axenda para os Sub14 e os Máster

Ata Santader desprazáronse varios atletas galegos para tomar parte no Campionato de España de 100 km. Na capital cántabra  Ramón Villar do Verxel Nutrición ocuparía o 9º lugar na categoría máster 50 cun rexistro de 10:29:43 o que representa un novo récord galego da súa categoría. Un posto máis abaixo chegaría o representante do Esprintes Ourense José María Levoso que invertiría un tempo de 10:34:04.
Outro foco de atención sería a cidade castelán manchega de Guadalajara sede do Campionato de España Sub14 na que tomarían parte cinco conxuntos galegos.
Na categoría masculina o mellor clasificado sería o C.A. Millaraio que ocuparía o sexto lugar sendo o decimonoveno para a Atlética Lucense. A nivel individual os mellores postos dos galegos corresponderían a Elias Klein da Atlética Lucense 3º nos 3.000 m. marcha con 10:02.24; David Garcia Blanco do Millaraio 5º en altura con 1.53 m. e Daniel Cariñena López do Millaraio 6º en peso con 10.73.
Na clasificación xeral por clubs feminina a mellor posición sería para o A.V.A. no posto decimoterceiro,  vixésimo o RÍA Ferrol – CCA e vixesimosétimo Franciscanos de Lugo
A nivel de actuacións individuais o máis destacado sería o primeiro lugar de  Enma Sihuang Pérez Soto do Franciscanos Lugo en altura con 1.55; Carolina Santos Villalón do A.V.A., 2ª nos 1.000 m. con 3:04.95; Xela Martínez Domínguez do Franciscanos Lugo 3ª nos 1.000 m. con 3:05.98 e Laura Rico Bouza Ría Ferrol – C. Arenal 3º en xavelina con  29.84 m.

Noticias Web FGA .- Bo papel da Selección Sub16 en Avilés

Noticias FGA

Bo papel da Selección Sub16 en Avilés

Excelente balance colleitado pola selección galega Sub16 nesta fin de semana no Campionato de España de Federacións Autonómicas disputado nas pistas avilesinas “Yago Lamela”
Ata alí chegou a Selección para tomar parte no campionato durante o sábado e domingo e na que por parte do equipo femenino o máis salientable sería o récord galego da atleta do ADAS ProinorBelén García Arias quen na proba dos 300 m.v. establecería un rexistro de 43.73. Con esta marca a xoven valor do ADAS sitúase líder do ránking nacional. O relevos 4×300 m. feminino e masculino serían outros dos protagonistas grazas a esos 2:49.85 que constitúen da mesma maneira un novo tope Sub16. As súas artífices serían, Carla Pérez, Carmen González, Natalia Meaños e de novoBelén García.  A maiores compre falar do triunfo de Antía Sestelo na xavelina con 45.67 m. o segundo lugar de Ana Piñeiro na proba de marcha así como os terceiros lugares de Carmen González  nos 1.000 m. e de Victoria Eiríz no peso e na que xunto o resto de actuacións, darían a Galicia a quinta praza nun encontro gañado por Catalunya
O equipo masculino da mesma maneira asinaría unha formidable cuarta posición tras Catalunya, Madrid e Andalucía destacando a nivel xeral o excelente comportamento e rendimento do grupo. Por resultados individuais salientar a Eric Méndez gañador do concurso de martelo, as segundas posicións de Lope Quinteiro nos 1.000 m., Hugo García nos 3.000 m. e de Nicolás Ortega no disco, así como os terceiros postos de Jorge Román nos 300 m. e do equipo de relevos 4×300 m. cuxo cuarteto integrado por Jorge Román, Aleix Díaz, Lope Quinteiro e Daniel Ngwudile acadaría un novo récord galego con 2:27.39. Excelente prestacións do relevo curto dos 4×100 quenes acadarían o terceiro lugar establecendo igualmente un rexistro de 45.74 que supón un novo récord galego da categoría. O relevo estaría formado por Javier Placer, Adrián Villares, Erik Fernández e Aléix Díaz

Noticias Web FGA .- Un Máster de nivel mundial

Noticias FGA

Un Máster de nivel mundial

Nada menos que un récord do mundo, vinteún récords galegos e un sinfín de mellores marcas personais, sería o excelente balance do XXXI Campionato de Galicia de Máster que se desenvolvería o pasado sábado nas pistas do CGTD de Pontevedra.
Moita da xente que se achegou ata as bancadas do estadio, podería gozar do que sen dúbidas foi o mellor de todos cantos campionatos máster se veñen desenvolvendo nestas últimas trinta e unha edicións. Efectivamente este evento viría marcado por unhas importantes cifras récord tanto no que atinxe a resultados, como sobre todo, ó número de participantes que amosa a gran evolución deste colectivo nas probas de pista nos últimos anos.
Si houbera que poñer un título para definir esta cita, este sería o de Pepín Rioseco. De novo este ferrolán de nacemento (1941) protagonizaría a nova do campionato ó acadar nada menos que o récord mundial na proba dos 1.500 m. con 5:11.27 rebaixando en preto de dez segundos a anterior plusmarca. Este fantástico rexistro engádeselle os xa varios récords autonómicos, nacionais e mesmo mundial que ten este atleta do Egovarros, xa que lembramos,  posúe o récord mundial na proba dos 800 m.l. en pista cuberta.
A maiores deste excelente rexistro, Pontevedra presenciaría varios récords galegos que foron os seguintes:
Máster 40: Irene Fernández (A. Narón) en martelo con 6.64 m.
Máster 45: Araceli Salgueiro (Samertolameu) nos 80 valos con 13.59; Juán Caamaño (Marineda A.) nos 100 m. con 11.99;  Basi Bernardez (A Silva) en triplo con 12.58 m.;
Máster 50: Isabel Bermúdez (A Silva) nos 80 valos con 19.80;  José Gonta (A Silva) 100 valos con 17.68; Carlos Alvarez (Val Miñor) en altura con 1.65 m;
Máster 55: Esther Pedrosa (Universidad Santiago C.) nos 1.500 m. con 5:06.15.
Máster 60: Carmen Novo (LUCUS CRG) nos 5.000 m. con 26:28.39; Angeles Rodríguez (A Silva) en altura con 1.05 m.;  José Guimeráns (Samertolameu) na lonxitude con 4.32 m.;
Máster 65: Pilar Marquiz (A. Sada) nos 1500 m. con 6:42.43; Emilia Mesa (Ourense A.) peso con 9.10 m. e disco con 19.54 m. ; Xosé Ferreiro (indep.) nos 100 m. con 14.47;
Máster 70: José Santamaría (A.Barbanza) nos 100 m. con 15.34.
Máster 75: Julio García (Ourense A.) en xavalina con 19.03 m.; Manuel García (ADAS) nos 100 m. con 19.95; Manuel García (ADAS) en lonxitude con 2.37 m.; José Rioseco (Egovarros) nos 1.500 con 5:11.27 (RECORD DO MUNDO).

Noticias Web FGA .- Santander, Avilés e Guadalajara punto de interese para os/as nosos/as atletas

Noticias FGA

Santander, Avilés e Guadalajara punto de interese para os/as nosos/as atletas

Varias son as frontes que a nivel nacional estarán abertas esta fin de semana para os nosos/as atletas.
Para comezar a capital cántabra de Santander, será a sede o sábado do XXXIII Campionato de España dos 100 km. absoluto e máster á que acuden os atletas do Esprintes Ourense, José María Levoso e Marisol Gómez, así como o representante do Verxel Nutrición, Ramón Villar.
A nivel de clubs o foco de atención estará en Guadalajara onde se densenvolverá o V Campionato de España de Clubs Sub14 e na que a nosa comunidade acode cos equipos do AVA, Franciscanos de Lugo e Ría Ferrol en mulleres. Nos homes tomarán parte as formacións do Millaraio e Atlética Lucense.
Para rematar a Selección Galega Sub16 acode ó Estadio avilesino “Yago Lamela” para tomar parte o sábado e o domingo no Campionato de España por Seleccións Autonómicas na que defenderán o quinto posto acadado o ano pasado en Lorca e na que os nosos virían cun total de nove medallas.

Noticias Web FGA .- Pontevedra recibe o galego Máster

Noticias FGA

Pontevedra recibe o galego Máster

Mañá sábado día 16 de xuño acontecerá unha das grandes citas atléticas do calendario de probas oficiais da Federación Galega de atletismo como é o desenvolvemento do XXXI Campionato de Galicia Absoluto Máster
Ata alí achéganse un número récord, preto de 600 atletas, quenes competirán na procura dun bo resultado que satisfaga as súas aspiracións.
Entre os inscritos, cóntase ca presencia de numerosos e destacados atletas tanto de nivel nacional como internacional que darán a esta proba gran importancia na axenda desta fin de semana.
O campionato dará comezo as 10:45 horas co concurso de martelo dando remate sobre as 19:15 horas ca final dos 5.000 m.

Noticias Web FGA .- Último obstáculo para os clubs galegos na Liga Nacional

Noticias FGA

Último obstáculo para os clubs galegos na Liga Nacional

Esta fin de semana acontecerá a terceira e última xornada do Campionato Nacional de Liga tanto en Honra como en Primeira División na que se atopan varios equipos galegos en situacións ben diversas.
En Honra masculina, e logo do magnífico último encontro realizado pola Gimnástica de Pontevedraen Soria na que acadaría no terceiro posto, os pontevedreses viaxan a Elche co firme propósito de non pasar excesivos problemas e disfrutar dunha última xornada festiva que os apuntale un ano máis na máxima categoría.
Algo máis axustado, estarán as ferrolanas do RÍA Ferrol cuxa clasificación actual sitúannas no posto 14º e na que as súas opcións pasan por gañar en Valladolid precisamente as anfitrionas así como ó Bidezabal, ou ó Tenerife, equipos accesibles para o experimentado conxunto de Ferrol.
Xa na primeira división e logo do bo comportamento dos equipos celestes tanto en homes como en mulleres, toca competir no octagonal polo ascenso.
O equipo masculino, que parte en Salamanca de oitavo, sairá a competir e disfrutar sabedores de que un ano máis estarán na Primeira División. Ata Alcorcón acudirá o Atletismo Femenino Celta, nun encontro no que lles  beneficia o sistema de “atleta por proba” o que fai acadar certas posibilidades ás olívicas nun octagonal no que parten de quintas.
O Atletismo Narón que viaxa a Madrid, será o que tal vez teña unha papeleta máis complicada, xa que a súa 13ª posición obligaralles a pelexar de arreo para manter a categoría na Primeira División masculina. O Moratalaz, Correr el Garbi e o Lleida serán os rivais cos quen deban enfrontarse os naroneses directamente.
Por último os tres puntos do equipo femenino da Gimnástica de Pontevedra que compite en Valencia, fan que encaren o último encontro con certas garantías xa que son catro as formacións  que se atopan detrás das azulonas. Sabadell e Tenerife serán os rivais a batir de maneira directa para evitar sorpresas.
Por último, na fase de ascenso a Primeira Divisón está inmerso o equipo masculino do Club Atletismo Santiago quen terá que viaxar ata a cidade do Pisuerga. A esta importante cita acuden os santigueses conscientes das posibilidades que teñen co firme propósito de pelexar todos e cada un dos puntos que lles permita ocupar un deses dous primeiros postos que dan ascenso directo rumbo a Primeira División.

Noticias Web FGA .- Interesante Sub20 e Sub23 o disputado na Malata

Noticias FGA

Interesante Sub20 e Sub23 o disputado na Malata 

Polas pistas da Malata de Ferrol desfilarían esta pasada fin de semana os distintos atletas que tomaron parte no Campionato de Galicia Sub20 e Sub23 e na que os diversos obxectivos e metas de cada un deles marcarían un moi interesante campionato.
Para comezar, na categoría Sub20 o máis salientable sería a actuación de Daniel Armada do Vila de Cangas quen se faría cos títulos de velocidade tanto dos 100 m. como na dos 200 m. e na queLucía Ferrer da Gimnástica sería quen de impoñerse do mesmo modo nos 100 m. e nos 100 valos.
O atleta do Lucus Santiago Rozas, e facendo honra a ese importante núcleo de valos da capital lucense, lograría a victoria en ambas probas sendo notable os 15.07 dos 110 m.v.
Importante rexistro tamén o de Elian Nuna do Coruña Comarca nos 400 m. nos que marcaría un crono de 49.17. Os concursos de lonxitude e  triple, terían en Alexander Barreiro do Lugo Running ó seu dominador quen ademáis acreditaría na última proba uns excelentes 14.19 m.
Autoridade no medio fondo e fondo de Aida Martínez do ADAS-Proinor quen colleitaría os ouros nas probas do 800 m. e dos 3.000 m.
Por parte da Gimnástica destacada actuación das súas atletas Andrea González gañadora do peso, xavelina e bronce en disco,  e de Claudia Puig quen se imporía en disco sendo prata en xavelina e bronce en peso.
O campionato contaría ca atracción da marchadora internacional Antía Chamosa quen non defraudaría establecendo un excelente rexistro de 24:30.85
Jaime Arias do Riazor Coruña sería ó claro protagonista dos lanzamentos logo de impoñerse no peso, disco e xavelina – proba esta última con destacado lanzamento de 52.66 m.- ó igual que nos saltos Saray Amoedo do Vila de Cangas fixera o propio ca lonxitude e triplo.
Si a categoría Sub20 nos deixaba estos excelentes resultados non menos interesantes serían os presenciados no Sub23 na que depararían a consecución dun total de 15 mínimas para o Nacional de Soria.
No sector de velocidade tanto Javier García do Lugo Running como Paula Iglesias do Riazor cumpriron os pronósticos e dominaron este sector na que ademáis salientarían esos 10.85 nos 100 m. do coruñés.
Interesante actuación de Luis del Río do Real Club Celta quen sería capaz de doblar tanto nos 400 m. como nos 800 m. facéndose cos títulos autonómicos.
Novamente os lucenses Iago Núñez do Lucus e Estela Fernández do Lugo Running non darían opción o resto de rivais, proclamándose campións nas dúas probas de valos.
Nos lanzamentos o halteriófilo internacional Martín Liste do Club A Silva, quen simultanea ambos deportes, subiría ata o máis alto no caixón do podio en peso e disco, salientando neste mesmo sector o rexistro de 51.49 m. de Sergio Paredes da Gimnástica no martelo.

Noticias Web FGA .- Galicia acada o quinto lugar por seleccións no Sub18

Noticias FGA

Galicia acada o quinto lugar por seleccións no Sub18

A Selección galega conseguiría esta fin de semana no Campionato de España por Federacións Autonómicas Sub18 celebrado en Ciudad Real un fantástico 5º posto nun encontro gañado polo combinado catalán.
O torneo, que sería rescatado este ano logo de que deixara de celebrarse fai xa algunhas tempadas,“supón un elemento moi importante de motivación para os nosos atletas e unha boa oportunidade para medirse e tomar contacto co resto de deportistas doutras comunidades” apuntaría a Directora Técnica da FGA Madó González quen viaxaría ó fronte da expedición.
En canto a resultados, o combinado galego que amosaría unha boa actuación en conxunto, teríaSara López a única gañadora na proba dos 3.000 m. cun rexistro de 10:29.56. Ademáis deste triunfo da lucense, compre salientar o magnífico récord galego Sub18 acadado por Nerea Iglesias na proba dos 200 m. con 24.96.
Yago Araujo en martelo con 61.32 m. Víctor Mosteiro nos 100 m. con 10.98, Iria Rivas nos 5.000 marcha con 25:20.92 e Raúl Cortizo en altura con 1.92 tamén serían atletas que ocuparían postos de podio nas súas respectivas probas.

Páginas

Suscribirse a RSS - Noticias FGA