Noticias FGA

O sábado as 16.30 horas terá lugar no módulo de atletismo de Lugo a gran cita da velocidade galega que contará ca presencia dalgúns dos millores especialistas galegos na loita polo título galego tanto dos dos 60 m.l. e 60 m.valados

Entre os inscritos sen lugar a dúbidas  a gran atración será a presenza do atleta olímpico de Marín nas filas do F.C.Barcelona Jean Marie Okutu que terá como obxectivo achegarse a súa millor marca que dende o ano 2014 ten con 6.91. e cuio récord galego lembramos que está en 6.82 dende o ano 2008 que posúe Pablo Comendador, que tamén tomará parte neste campionato.

Teresa Rodríguez Miguelez tanto nos lisos como nos valados e José Ignacio Tomás nos 60 valados ambos dos Riazor Coruña, a priori parten con certa ventaxa de cara ó título de campións galegos 

Existirá final A e B pasando as mesas os millores tempos das eliminatorias      

Circular

Relación de admitidos

Faise pública a relación provisional de gañadores correspondente as distintas categorías do IV Circuito de Carreiras Populares da Deputación da Coruña desenvoltas no ano 2016.

Por mor da gran complexidade deste circuito a hora de establecer clasificacións e puntuar (estivo integrado por trinta carreiras moitas das cales con categorías distintas as marcadas nas bases reguladoras da compitición) ábrese un prazo de reclamación que remata o dia 25 as 21.00 horas e que deberán ser enviadas ao seguinte enderezo electrónico: cofcluis@hotmail.com

RELACION PROVISIONAL GAÑADORES

Co mes de xaneiro encarando xa a metade, empézanse a deixar notar as múltiples probas que as fins de semana acontecen e na que se misturan a partes iguáis a pista cuberta, o campo a través e as probas de ruta.

En concreto o sábado e domingo, Lugo dará acollida óCampionato de Galicia de Probas Combinadas para as categorías Cadete, Veteranos e de Clubs simultaneándose todo elo, cunhas probas de control organizadas pola Delegación.

A Rúa será o outro punto importante ca celebración o domingo do Campionato de Galicia de Campo a través para veteranos que darán comezo as 12.00 horas celebrándose no mesmo circuito o Campionato Provincial Escolar XOGADE e o  II Cross da Rúa integrante do Circuito Galego de especialidade.

Por último e continuando co domingo,  Vigo disputará a súa I xornada das series Municipáis-Concello de Vigo, organizadas polo AVA, sendo Coruña esciario da proba pedestre II Carreira Popular de Matrogrante as 10.30 horas da mañán

A trixésima primeira edición do Campionato de Galicia de Cross de veteranos terá o seu esciario o vindeiro domingo dia 15 de xaneiro na área recreativa do Aguillón, ubicada no Concello de A Rúa e contando para elo ca organización da Delegación da F.G.A.  en O Barco e a do Club ADAS-Proinor

Nesta cita autonómica atópanse incritos un total de 230 participantes entre tódalas categorías e idades e que ben representando, o igual que acontecera no campionato de pista cuberta, un número récord de inscritos. Entre os que tomarán parte salientamos a presenza entre outros de Rocío Alvite, Victor Rioboo, Daniel de la Torre, Soledad Castro ou mesmo Antonio Cabana e a Manuel García os cales tomarán parte na categoría M-75.

As probas darán comezo as 12.00 horas ca saida da primeira carreira (M-60 homes) para rematar en torno as 14.15 horas do serán ca entrega de trofeos.

Circular

Relación de inscritos

Fantástica xornada a vivida no dia de onte durante a disputa do Campionato de Galicia Veterán desenvolta no Pazo dos Deportes de Riazor. A unha participación récord de atletas inscritos, engádeselle un auténtico aluvión de récords autonómicos (dazasete) así como un récord nacional acadado casi rematando o campionato como broche de ouro por parte de Xosé Lois Otero Cepeda (C.D.Universidade) quen na proba dos 3.000 m.l. M-60 e cun rexistro de 10.36.11 pulverizaría o anterior tope en varios segundos.

No tocante os récords galegos acadaríanse un total de oito na categoría feminina e de nove na masculina dos que salientamos o de Esther Pedrosa quen quedaría as portas do récord nacional na proba dos 3000 W-55 ó marcar cun rexistro de 10.56.51.

Por outra banda o atleta do C.D. San Paio A Estrada Mehdi Nabaoui acadaría onte no "Torneo do Norte de Portugal" unha nova plusmarca galega de 3.000 m.l. baixo teito na categoría cadete ó parar o reloxo nun tempo de 8.53.24 millorando os 9.01.2 de Miguel Ferreiro do ano 1989.

Relación de Récords batidos

O Atletismo Feminino Celta en mulleres e a Sociedad Gimnástica de Pontevedra en homes proclamaríanse no dia de hoxe gañadores da XI Copa de Galicia de Atletismo de Clubs de Pista Cuberta que se desenvolvería no Pazo dos Deportes de Riazor.

O conxunto pontevedrés, moi regular en todas as súas actuacións, amosaríase como o conxunto máis forte dos que tomaban parte permitíndolle continuar ca súa supremacía por quinto ano consecutivo. Xunto el estarían no podium o Real Clube Celta e o Atletismo Narón compartindo podium.

Na outra categoría serían as celestes do Feminino Celta quenes se impuxeran no computo xeral da súa categoría ao igual que fixeran o ano pasado, o que pon de menifesto o excelente arranque da tempada das viguesas. A segunda posición correspondería a Gimnástica de Pontevedra sendo terceiras as atletas do Ria Ferrol-Concepción Arenal

O Pavillón dos Deportes de Riazor dará acollida mañá  7 de xaneiro unha nova edición correspondente a disputa da  XI Copa de Clubes de Pista Cuberta que acollerá ós clubes máis importantes do atletismo galego.

A compitición que dará comezo as 16.30 horas e que se desenvolverá nunha soa xornada, contará ca particpación na categoría feminina dos clubes do ADAS-Proinor, Clube Atletismo Narón, Sociedad Gimnástica de Pontevedra, Clube Atletismo Santiago, RIA Ferrol, LUCUS Caixa Rural Galega, Atletismo Femenino Celta e Riazor Coruña.

Na categoría masculina serán as formacións do LUCUS Caixa Rural Galega, Riazor Coruña, Clube Atletismo Narón, Clube Atletismo Santiago, Marineda Atlético, Sociedad Gimnástica de Pontevedra,  Real Club Celta e ADAS-Proinor, as que compitan por acadar este prestixioso título que abrirá un novo ano.