Os Campionato de Galicia Junior e Xuvenil depararon nas pistas de Riazor unha competición con gran participación, que permitiu ver a progresión de moitos dos nosos atletas que xa destacan a nivel nacional como é o caso de Dario Costas, Iria Forján ou Carmela Cardama.
O protagonista masculino da xornada sería Dario Costa,s o atleta adestrado por Santi Ferrer, lograba a vitoria en 50 metros lisos con 6.03, en 50 metros valados con 7.01 e marca persoal en salto de altura con 1.96. Os atletas da Sociedade Gimnástica de Pontevedra brillaron en varias probas, o atleta xuvenil Angel Vargas impoñíase nos 50 metros e os 200 metros, Alfonso Pérez nos 400 metros junior con 52.37, Jorge Puig nos 1500 junior mentres que Fernando Rial era o claro protagonista no medio fondo xuvenil gañando o 800 e o 1500. Outros atletas que destacaron a un gran nivel foron Miguel Otero do Real Club Celta, nos 800 metros que realizou un cambio espectacular a falta de 300 metros ao que non puideron responder os seus rivais, Anxo Blanco sensacional en lonxitude con 7.02 proclamándose tamén Campión Galego Junior da súa especialidade, o triplo salto, con 14.55, Ivo Maseda do Lugo Running Club sen oposición nos 3000 con 8.43.16 e Iago Lousa que gañaría o 50 valas e a lonxitude xuvenil. En peso Pablo Castro obtiña un novo titulo de Campión Galego cun mellor lanzamento de 15.49.
En mulleres víronse probas interesantes como o duelo na velocidade de Iria Forján e Laura Chapela, vencendo a primeira en categoria junior con 6.76 mentres que en categoria xuvenil a raíña da velocidade foi Miriam Otero gañando os 50 metros con 6.83 e os 200 metros con 26.55, marca similar á obtida por Laura Chapela do Atletismo feminino Celta con 26.57. Nos 400 metros junior outras dúas atletas en progresión como son Eugenia Gil que vencía con 57.92 e Claudia Rojo que tras impoñerse no 50 valdos lograba o subcampeonato con 58.49. Paula Iglesias gañaría os 400 metros xuvenil e a altura xuvenil. Nas probas de medio fondo dominio das atletas do Comesaña Sporting Club Angela González con 2.18.35 en 800 metros e Carmela Cardama en 1500 con 4.37.50 mentres que boas sensacións das atletas xuvenís Laura Santos, Elba Velez e Claudia Blanco. En canto aos saltos destacar a Elvira Okutu con 5.57 en lonxitude e Iria Forján 5.47 e Paula Freiria atleta xuvenil do Ourense Atletismo que gañaba con 10.94.
Para rematar destacamos os 4.75 en salto con pértiga de Santiago Ferrer que participando fóra de concurso lograba marca persoal. Resultados

O Campionato de Galicia Benxamin, Alevín e Infantil deparou unha enorme participación de atletas das categorias inferiores dos clubs galegos, así mesmo disputouse a última hora da tarde do sábado o Campionato de Galicia Cadete de 1000 e 3000 metros. Neste Campionato os vencedores foron en 1000 metros Carlos López do Ria Ferrol con 2.48.64 e Lucía López do Club Franciscanos de Lugo con 3.07.69 e nos 3000 metros Adrián Lage do Atletismo Friol con 10.01.88 e Sonsoles Martin do Club A Gándara con 11.19.52.
No Campionato de Menores puidéronse ver resultados destacados de atletas dos clubs do Franciscanos de Lugo así como das Escolas de Clubs importantes coa Sociedade Gimnática de Pontevedra ou o Club Ria Ferrol. 
En categoría infantil destacamos ao atleta do Franciscanos de Lugo Carlos Alvarez que vencía os 50 metros con 6.98 e impoñíase con autoridade nos 500 metros cun sensacional rexistro de 1.17.44 nova mellor marca galega, dominio nos 2000 metros do atleta do CD San Paio  Medhi O Nabaoui con 6.22.56 e disputadisima a final de 50 valas entre Samuel Diaz do Riazor Coruña, Lucas Lorenzo do Franciscanos de Lugo e Daniel Losada do Universidade de Santiago, gran concurso de salto de altura de Antonio Igrexas do Atletismo Vila de Cangas que vencía con 1.38 e sensacional Andrea Reija do Atletismo Castroverde con 1.53 novo record galego da categoría. Nerea Iglesias do Atletismo Fontes do Sar lograba con 7.22 o título de Campioa Galega de 50 metros infantil cun bo rexistro.
O atleta Jacobo Diaz con 1.36 en salto de altura lograba un novo record galego en categoria alevin do mesmo xeito que Pepe Sanchez nos 500 metros benjamin con 1.37.35.

Unha vez finalizado o prazo de inscrición e revisado pola Direccion Tecnica da FGA, facemos publico o listado dos atletas admitidos. 
As baixas poderanse comunicar antes de mañá mércores ás 20:00 
Reecordamos a limitación de proba, cada atleta poderá realizar un máximo de 2 probas (no caso de ser careiras só unha poderá ser superior a 50 metros)

Rematado o prazo de reclamacións, facemos publica a lista de atletas que tomasen parte no campionato de menores. 

Debido á gran cantidade de atletas inscritos en todas as probas a organización pide desculpas polos erros que se puidesen ocasionar

Novo Horario - Listado de admitidos

Intensa actividade do atletismo galego neste fin de semana, no que estarán en disputa varios campionatos autonómicos, como son os de pista cuberta nas categorías alevin, infantil, benxamin, cadete (1000 e 3000) , xuvenil e júnior na pista do Pazo dos Deportes da Coruña. 
O autonómico de campo a través de veteranos, dará o pistoletazo de saída na Pobra do Caramiñal. 
Na localidade pontevedresa de Marin, daranse cita os mellores marchadores da nosa comunidade, coa disputa do Campionato de Galicia de Marcha en Ruta, onde se poderán observar varios campións galegos e nacionais nesta difícil disciplina atlética 
Listado de inscritos: 

Xuvenil-Junior   Veteranos  Marcha en ruta

Novo Horario Xuvenil-Junior

O próximo domingo día 15 de febreiro, nas inmediación da Alameda Rosalía de Castro de Marín, celebrarase o Campionato Galego de Marcha en ruta. Máis de cen marchadores formaran parte desta competición que dará comezo as 10:l30 horas coa disputa da proba dos 3 kilómetros alevíns e infantís e finalizará as 11:55 coa salida dos 10 kilómetros absolutos. 
O circuito dun kilómetro e homologado pola Real Federación Española de Atletismo discurrirá pola Avenida de Ourense. Protexido do vento e con xiros amplios este novo circuito de marcha pretén ser un referente a nivel galego.
No mesmo circuito habrá servicio de vestidor e os atletas podrán ducharse no Pabillón de A Cañota

Como Llegar

Logo de rematar o prazo de confirmacións para o Campionato de España de Clubes, esta federación publica o listado de clubes que confirmaron o seu desexo de participación no Campionato de España de Campo a Través de clubes:

Cross Longo Masculino: Athletics Smooy Team

Cross Longo Femenino: Ningún presentado

Cross promesa Masculino: Comesaña Sporting Club e C.D. San Paio A Estrada

Cross promesa femenino:Atl. Femenino Celta

Cross junior Masculino: Club Atletismo Santiago e Atletismo Negreira.

Cross Junior Femenino: Comesaña Sporting Club.

Cross Xuvenil Masculino: Atlética Val Miñor, Atletismo Noia e Lucus.

Cross Xuvenil Femenino: Atletismo Noia.

Cross Cadete Masculino:Ría Ferrol C.Arenal e Franciscanos de Lugo.

Cross Cadete Femenino:  Comesaña Sporting Club e Ourense Atletismo. (Reserva pendente de confirmar pola RFEA Franciscanos de  Lugo). 

Cross Corto Masculino: New Balance, Club Atletismo Santiago, Sociedad Gimnástica de Pontevedra e Real Club Celta.

Cross Corto Femenino: Comesaña Sporting Club, Sociedad Gimnástica de Pontevedra.

Alfonso Ortega estivo ao frente do sector do fondo galego ata o momento en que o prestixioso técnico decidiu, por motivos persoais, que non podía asumir as suas responsabilidades como el desexaba solicitando o relevo xeracional. O novo responsable do sector, Santi Saco, foi un destacado mediofondista ourensán agora convertido en excelente técnico, adestrador entre outros de Alejandro Fernández.

A FGA desexa agradecer a labor e profesionalidade de Alfonso Ortega ó frente dun sector que deu e esta a dar grandes alegrias ao atletismo galego e rendirlle unha pequena homenaxe na vindeira gala que se celebrará en Sada o vindeiro 27 de febreiro.

MG