Noticias Web FGA .- 28/08/2015 . Mario González e Santi Ferrer Alonso, novos membros do Comité Técnico da FGA, trala baixa de Santi Ferrer

A FGA iniciará a tempada 2015/16 con novos membros no Comité Técnico, nesta semana deixaba o seu cargo Santi Ferrer Moreira como responsable do sector de saltos, tras varios anos facendo unha extraordinaria labor para o atletismo galego. Santi Ferrer continuará colaborando ca FGA en diversos ámbitos, a súa próxima colaboración será como docente dos vindeiros Cursos de Monitor Nacional de Atletismo que se disputarán en A Coruña e Pontevedra.

Mario González e Santi Ferrer Alonso serán os novos responsables de Saltos horizontais e Saltos verticais, respectivamente

Dous grandres profesionais do atletismo galego, Mario González, quen sempre estivo vinculado ao atletismo, na súa faceta de atleta, adestrador e docente, será quen asuma as funcións de Responsable de Saltos Horizontais, mentres que Santi Ferrer Alonso,  asumirá as funcións de Responsable de Saltos Verticais. O curriculum de Santi salienta polas seus éxitos deportivos, como atleta e adestrador,  e académicos, ostentando unha importante e forte formación universitaria no eido do deporte.

No seguinte enlace pódese ollar o Comité Técnico con todos os seus integrantes

http://www.atletismogalego.com/fga/p3.asp?id=29