Noticias Web FGA .- 28/06/2017 . Seis galegos e un técnico na Copa Ibérica Xuvenil do vindeiro sábado

Avila dará acollida o vindeiro dia un de xullo a Copa Ibérica Xuvenil Go fit que xuntará na Cidade Deportiva da capital ás seleccións de España e de Portugal e na que preto de 170 atletas tomarán parte.

Esta cita internacional,  contará cunha notable presenza galega xa que nada menos que seis serán os que acuden en calidade de seleccioados (un coma convidado) ó que se lle suma a presenza dun adestrador que viaxará en calidade de membro da expedición técnica.

Na categoría masculina o Atleta do RIA Ferrol  Pedro Osorio tomará parte nos 800 m.l. como convidado tendo un excelente esciario para resarcirse do Campionato de España no que non puido amosar a súa millor versión. Nicolás García do Real Clube Celta, participará no concurso de disco na que este ano ten acreditados 49.74 m.

Xa na categoría feminina é onde estarán as millores bazas galegas da man da atleta do Celta Olaia Guisela Becerril en lonxitude e da representante do A.D. Mazí,  Raquel Meaños nos 800 m.l. gañadoras das súas respectivas probas do Campionato de España Xuvenil. Con esta merecida selección  porán un magnífico colofón a súa sensacioal tempada. No lanzamento de xavalina e grazas a ese o rexistro de 45.78 m. do Campionato de España Xuvenil que valería tanto o título coma o récord galego, tomará parte a lanzadora Ivanna Carolina Románque estará a compañada polo seu técnico, que acude en calidade de adestrador ofical, Necho Fernández

Por último o sector de velocidade contará ca presenza da velocista do Coruña Comarca María Fernández que sería seleccioada para tomar parte nos 100 m.l. grazas ós seus 12.42  desta tempada.