Noticias Web FGA .- 03/02/2015 . Nota aclaratoria da FGA ante a situación do Estadio de Balaidos

Ante as declaracions efectuadas polo concelleiro de deportes de Vigo no día de onte sobre a xestión das pistas de Balaídos calificando a mesma de “deficiente” por parte da Federación Galega de Atletismo e de que “foi o concello” que non quixo renovar o convenio, cumpre recordar os seguintes feitos.

 

O anuncio da confiscación

O día 9 de xaneiro o alcalde Vigo anuncia públicamente a adxudicación de duas carreiras (San Xoan e a Carreira do Pavo) á entidade deportiva presidida ata fai poucas semanas por Alvarez Salgado, quen acepta as mesmas sendo consciente de que pertencen á delegación de Vigo da Federación Galega de Atletismo dende fai varias décadas.

 

A resposta da FGA

Tras varios intentos infrutuosos de poñerse en contacto co concelleiro de deportes,  á FGA presenta o 14 de xaneiro no rexistro do Concello de Vigo o acordó unánime da Comisión Delegada refrendado no día anterior que indicaba:

 

“Tras coñecer a decisión do concello de Vigo de pretender apropiarse da lexitimidade organizativa das carreiras de ruta de San Xoan e do Nadal así como a de “encargar” á organización dás mesmas á entidade deportiva Media Maratón de Vigo, a Comisión Delegada da Asemblea Xeral acorda:

1.      Reivindicar o dereito organizativo da Delegación de Vigo desas dúas carreiras de

2.      ruta, tal e como vén sucedendo nas últimas décadas.

3.      Denunciar o abuso de autoridade do concello de Vigo por apoderarse de dous eventos deportivos que organizativamente non lle corresponden.

4.      Instar ao concello de Vigo a que rectifique a súa arbitraria e inxusta decisión.

Ordenar  ao Presidente da FGA, como órgano executivo de goberno, no caso de que o concello persista na súa decisión de vulnerar dereitos organizativos que non lle competen, a terminar a relación da FGA co concello de Vigo na xestión das pistas municipais de Balaídos dende o próximo 1 de febreiro”.

 

A primeira petición do concello de Vigo

O día 16 de xaneiro recíbese na FGA un correo electrónico “por indicación” do concelleiro de Vigo solicitando “la documentación necesaria para el inicio de la tramitación del expediente administrativo relacionado con el convenio de las pistas de atletismo” para o ano 2015 (o anterior rematóu o 31 de xaneiro de 2014).

 

 

A postura firme da FGA

Cinco días mais tarde, o 21 de xaneiro, á FGA responde que “procederá a iniciar los trámites vinculados con este convenio unha vez se reciba la autorización documental pertinente del concello de Vigo para seguir organizando, junto a los clubes que han sido invitados a esta tarea, las carreras de San Xoan y do Nadal. En caso contrario se cumplirá el acuerdo del Órgano de Gobierno (Comisión Delegada de la Asamblea General), en todos los términos remitidos al concello”

 

A segunda petición do concello de Vigo

Ao día seguinte, 22 de xaneiro, o concelleiro de deportes remite unha carta ao presidente da FGA e pide novamente a “tramitación da documentación que nos leve a poder concretar a sinatura do convenio de colaboración”. Pero non amosa a rectificación ao dano cometido.

 

A mesma postura da FGA

Ese mesmo día o presidente da FGA responde ao concelleiro por carta decindo que “lamento que o concello de Vigo non teña rectificado aínda a súa inxusta decisión, sen precedentes no atletismo galego e español, de apropiarse de dúas carreiras que non lle pertencen. É absolutamente incompatible ningunha fórmula de entendemento entre dúas entidades cando unha delas, nun alarde de abuso de poder, agrede á outra apropiándose de dereitos alleos e privando aos estamentos da Delegación de Vigo (atletas, adestradores, xuíces e clubs) dunha parte do seu patrimonio e xerando deconfianza”.

 

A terceira petición do concello de Vigo

O día 29 de xaneiro o concelleiro remite un novo escrito ao presidente da FGA insistiendo  en “resolver coa maior celeridade a tramitación da documentación para o convenio de colaboración”.  Pero segue sen dar resposta ao problema que o concello de Vigo xerou unilateralmente aos estamentos da Delegación de Vigo.

 

A FGA refrenda a sua decisión

Ao día seguinte, 30 de xaneiro, o presidente lle responde ao concelleiro nos seguintes términos: “En cumprimento do acordo da Comisión Delegada da Asemblea Xeral da Federación Galega de Atletismo comunicolle que o vindeiro luns 2 de febreiro entregarase no Rexistro Xeral do Concello de Vigo as chaves da instalación. Asemade diversa documentación, entre ela unha memoria da situación das pistas municipais de Balaidos”.

 

O remate da xestión das pistas por parte da FGA

Á FGA cumpre o acordo da Comisión Delegada e o domingo pola maña, día 1 de febreiro, xa non abre as pistas. Ao día seguinte entrega as chaves das pistas xunto a diversa documentación no Rexistro Xeral do Concello de Vigo.

 

As incongruencias do concelleiro de deportes de Vigo

1.      Cómo se pode solicitar no último mes á FGA por tres veces o inicio da tramitación do convenio e, tras recibir tres negativas por non ser capaz de rectificar a decisión de apropiarse de dúas carreiras que non lle pertencen, dicir despois que foi o concello que tomou a decisión de que non seguirá á FGA con esa xestión?

 

2.      Cómo xustifica que o concello de Vigo lle conceda a organización de duas carreiras a Álvarez Salgado, cando estivo presidindo a delegación de Vigo durante case todo o tempo en que durou o último convenio da xestión  calificada onte de “deficitaria”?

 

3.      O concello de Vigo no só vulnerou os dereitos dos estamentos atléticos da cidade, como atletas, adestradores e clubes (onte as pistas estiveron pechadas, cando ten a obriga de abrilas); non só, nun alarde de abuso, apropiouse de probas que non lle corresponden. Agora o concelleiro de deportes pretende falsear a realidade. A quen pretende enganar?

 

O compromiso de colaboración da FGA pero non a calquera precio

A Federación Galega de Atletismo, a través das súas Delegacións, seguirá traballando con toda a lealtade e responsabilidade institucional cos concellos galegos, entidades, colectivos ou asociacións deportivas que respecten a nosa historia, dereitos e competencias. Dentro deste escenario de cooperación e confianza pódense analizar e debater todo tipo de propostas de mellora. Pero cando se quebrantan as atribucións de calquera das delegacións da FGA, se descarta calquera tipo de acordo.

Ante as declaracions efectuadas polo concelleiro de deportes de Vigo no día de onte sobre a xestión das pistas de Balaídos calificando a mesma de “deficiente” por parte da Federación Galega de Atletismo e de que “foi o concello” que non quixo renovar o convenio, cumpre recordar os seguintes feitos.

 

O anuncio da confiscación

O día 9 de xaneiro o alcalde Vigo anuncia públicamente a adxudicación de duas carreiras (San Xoan e a Carreira do Pavo) á entidade deportiva presidida ata fai poucas semanas por Alvarez Salgado, quen acepta as mesmas sendo consciente de que pertencen á delegación de Vigo da Federación Galega de Atletismo dende fai varias décadas.

 

A resposta da FGA

Tras varios intentos infrutuosos de poñerse en contacto co concelleiro de deportes,  á FGA presenta o 14 de xaneiro no rexistro do Concello de Vigo o acordó unánime da Comisión Delegada refrendado no día anterior que indicaba:

 

“Tras coñecer a decisión do concello de Vigo de pretender apropiarse da lexitimidade organizativa das carreiras de ruta de San Xoan e do Nadal así como a de “encargar” á organización dás mesmas á entidade deportiva Media Maratón de Vigo, a Comisión Delegada da Asemblea Xeral acorda:

1.      Reivindicar o dereito organizativo da Delegación de Vigo desas dúas carreiras de ruta, tal e como vén sucedendo nas últimas décadas.

2.      Denunciar o abuso de autoridade do concello de Vigo por apoderarse de dous eventos deportivos que organizativamente non lle corresponden.

3      Instar ao concello de Vigo a que rectifique a súa arbitraria e inxusta decisión.

Ordenar  ao Presidente da FGA, como órgano executivo de goberno, no caso de que o concello persista na súa decisión de vulnerar dereitos organizativos que non lle competen, a terminar a relación da FGA co concello de Vigo na xestión das pistas municipais de Balaídos dende o próximo 1 de febreiro”.

 

Continua o texto...