Noticias Web FGA .- 26/03/2015 . Campeonato do Mundo de Campo a Través, Campeonato de España do CSD e Campeonato de Europa de Pista Cuberta de Veteráns

O campo a través e a pista cuberta volven a ser os grandes protagonistas da fin de semana. A atención dos afeccionados galegos estará no Campeonato do Mundo de Campo a través que se celebrará na localidade china de Guiyang e no que estará a atleta junior do Comesaña Carmela Cardama; asemade en Guadalajara a selección cadete e xuvenil de cross participará no Campeonato de España organizado polo CSD e con grandes opcións para subir o mais alto do podium, especialmente da man de Miguel González, Adrián Ben e Tariku Novales. Finalmente, está a disputarse o Campeonato de Europa de Pista cuberta de veteráns con especial atención a Chus Sanguos nos 60m valados e lonxitude. O Comesaña é o que club con maior aportación xa que ademais de Chus estará Flora Guzmán en 60 e 200, Elisabeth Oya en 200 e 60mv e Ana Santos en 60mv. Tamén estará nos 60 e 200 Francisco Besteiro do C.A. Santiago.

MG