Ría Ferrol Concepción Arenal

Este sábado disputouse na Pista Cuberta de Ourense a "XVI Copa Xunta de Galicia de Clubs" onde as nosas balas vermellas deixáronnos unha magnífica actuación, loitando ata o final e conseguindo un maravilloso 3er posto. Ademáis, ata catro atletas fixeron a mínima para os seus respectivos campionatos nacionais de pista cuberta. 

Por un lado, Carolina Santos nos 800ml, Alicia Barreiro nos 400ml e Carmen Carrera nos 1500ml fixeron a mínima para o Campionato de España sub18. Por outra banda, Diaou Diallo fixo a mínima no triple salto para o Campionato de España sub20.

Primeira competición de clubes superada con éxito. Gracias por facernos vibrar ata o último momento, por percorrer cada metro da pista, cada salto e cada lanzamento coa intención de deixarvos a pel pasase o que pasase.  Que o vivido o sábado sexa un aprendizaxe máis, esto só acaba de comezar. ¡Noraboa, chicas!

• Resultados "XVI Copa Xunta de Galicia PC".

Desde Ourense viaxamos ata Puertollano coa participación de Celia Muñoz de Morales Castro no "Campeonato Regional de Castilla-La Mancha de PC" na proba de 60ml, proclamándose subcampioa rexional cunha marca de 7.97s. ¡Noraboa, Celia!

• Resultados "Campeonato Regional Castilla-La Mancha".

Dende Zaragoza chegaría a 5ª mínima para un campionato nacional esta fin de semana. No "Trofeo Ibercaja Ciudad de Zaragoza PC" Elena Llobera saltou 6.09m, conseguindo así o billete directo para o Campionato de España absoluto de PC. 

• Resultados "Trofeo Ibercaja Ciudad de Zaragoza".

Por outra parte, en Sabadell organizouse o "Control Absolut Pista Coberta" no cal as nosas cores tamén deixáronse ver na proba dos 400ml da man das nosas atletas Laura Alonso da Costa e Ona Alonso Camps cunhas marcas de 56.41s e 1'02.69s, respectivamente.

• Resultados "Control Absolut Pista Coberta".

Diana Jiménez competiu na "Reunión FAM 6" celebrada en Gallur acadando unha marca de 3.55m na proba de salto con pértega.

• Resultados "Reunión FAM 6".

Volvendo as nosas terras, volvendo a Ourense, lugar onde comezou esta crónica e onde disputouse tamén  Control de Inverno de PC, poñemos punto e final a esta excelente fin de semana de pista cuberta coa participación no mesmo da nosa atleta Antía Martínez Queimaño na proba dos 60 metros valos conseguindo unha marca de 9.26s.

• Resultados.

En Lugo celebrouse esta fin de semana a "XII Copa Deputación" cunha ampla participación das nosas balitas. Na proba de 800ml participaron Joel Novoa e Ricardo Negrete  acadando unha marca de 2'11''72 e 1'59''17, respectivamente. En 400ml correu Adrián Rivadulla realizando unha marca de 54.85s e Marcos Pérez cunha marca de 58.68s. Na proba de fondo dos 3000 metros lisos tomaron a saída Diego Sánchez e Sergio Rafales cruzando a línea de meta en 10'14''91 e 10'55''66, respectivamente. Laura Rico lanzaría a xavelina ata ata os 35.16m. Brais Troitiño acabaría os 1000ml cunha marca de 4'36''06. Na proba de 500ml sub14 partivipou Sara Martínez conseguindo un tempo de 1'51''46. Noa Sánchez acadaría unha marca de 52.27s nos 300ml-

Por outro lado, no módulo cuberto competiu Bruno Castro nos 60ml facendo unha marca de 8.49s. Na mesma proba, pero en categoría femenina, tivemos a participación de Julia Casal en 9.60s, Olga Sánchez en 9.64s  e Carmen Díaz facendo unha marca de 9.87s.

• Resultados aire libre.
• Listado módulo cuberto.

E, como non podía ser doutra maneira, rematamos a fin de semana competitiva correndo polas rúas da nosa cidade na "XXXVIII Carreira Popular San Xiao" organizada polo Concello de Ferrol onde tiveron o protagonismo as nosas pequenas balitas destacando a 3ª posición acadada por Lucas Jiménez na categoría sub10 masculina. En categoría sub12 o terceiro posto conseguido por Hugo Vueiguela. Na mesma categoría pero no apartado das mulleres o podium estivo composto polas atletas Lara Fernández, Carla Rioseco e  Alicia Jove. Na categoría sub 14 a primeira posición foi para Irma Veiguela e, por último, na categoría sub18 Joel Novoa conseguía o 2º posto da categoría.

¡Vaia comezo de tempada! A seguir así, as balas vermellas temos mecha para rato. ¡Que non pare a festa!

"XVII Copa Xunta de Galicia de Clubs en Pista Cuberta"

Ourense

Sábado 22 de xaneiro de 2022

Na xornada vespertina de este sábado disputase na Pista Cuberta de Ourense a "XVI Copa Xunta de Galicia de Clubs" onde estarán as nosas balas vermellas pelexando e defendendo as nosas cores. O equipo femenino estará formado polas seguintes atletas:

• Talia Mara Pérez Dambrauskas nos 60ml.
• Nos 60 metros valos estará Paula González García
• Nos 200ml teremos a Inés Celorio Sánchez.
• Na proba de 400ml participará Alicia Barreiro López.
• Carolina Santos Villalón correrá os 800ml.
• Carmen Carrera Veiga tomará a saída na proba de 1500ml.
• Aroa Amado Veiga correrá os 3000ml.
• No salto de altura competirá Rocío Díaz Granda.
• María Blanco Méndez elevaráse no salto con pértega.
• Rosalinda Ogie Ugo fará o salto de lonxitude.
• Diaou Diallo Chao participará no triple salto.
• En lanzamento de peso teremos a Xiana Lago Andrade.
• As irmás Lucía e María Pérez Blanco, Talia Mara Pérez e Aldara Ruiz Martínez conforman o relevo mixto.

¡Imos con todo, FORZA!

• Listado de inscritos.
• Horario.

"Campeonato Regional de Pista Cubierta Individual"

Puertollano (Ciudad Real)

Sábado 22 de xaneiro de 2022

Celia Muñoz de Morales Castro disputará a proba de 60ml do "Campeonato Regional de PC" de Castilla-La Mancha que se celebrará o sábado.

• Listado de inscritos.

"Trofeo-Ibercaja Ciudad de Zaragoza PC"

Palacio de los deportes de Zaragoza

Sábado 22 de xaneiro de 2022

O sábado disputarase o "Trofeo-Ibercaja Ciudad de Zaragoza PC" en xornada vespertina, onde contaremos coa presenza da nosa atleta Elena Llobera na proba de lonxitude.

• lista de inscritos.
• Horario.

"XII Copa Deputación de Lugo"

Estadio Gregorio Pérez Rivera (Lugo)

Sábado 22 de xaneiro de 2022

Este sábado celébrase a "XII Copa Deputación de Lugo" en xornada de mañá e tarde tanto no módulo cuberto como ao aire libre ata onde se desplazarán varios dos nosos atletas. 

Por un lado, no módulo cuberto contaremos coa presenza de Bruno Castro Pereira nos 60ml infantil e, na mesma proba pero en categoría femenina, participarán as atletas Carmen Díaz Pardavila, Julia Casal Fernández e Olga Sánchez Romar.

Por outro lado, ao aire libre, teremos a participación de Brais Troitiño na proba de 1000ml infantil, Adrián Rivadulla e Marcos Pérez nos 400ml absoluto, Joel Novoa e Ricardo Negrete nos 800ml e Sergio Fernández e Diego Sánchez na proba dos 3000ml. En categoría femenina, Sara Martínez correrá os 500ml infantil e Noa Grandal tomará a saída na proba de 300ml.  Na proba de lanzamento de xavelina teremos a Laura Rico

• Listado de inscritos módulo.
• Listado de inscritos aire libre.
• Horario.

"Campeonato de Asturias de Combinadas"

Palacio de Deportes de (Oviedo)

22-23 de xaneiro de 2022

Este fin de semana disputarase o "Campeonato de Asturias de Combinadas" onde teremos a participación da nosa atleta Rocío Díaz Granda no Pentatlón.

• Listado de inscritos.
• Horario.

"Control Absolut en Pista Coberta"

Sabadell

Sábado 22 de xaneiro de 2022

En Sabadell contaremos, un fin de semana máis, con presenza das nosas atletas Laura Alonso da Costa e Ona Alonso Camps na proba dos 400 metros lisos.

• Listado de inscritos.
• Horario.

"Reunión FAM 6"

Pista Cubierta de Gallur (Madrid)

Domingo 23 de xaneiro de 2022

Esta domingo celébrase a "Reunión FAM 6" na Pista Cubierta de Gallur, en Madrid, onde participará Diana Jiménez Guerrero na proba de salto con pértiga.

• Listado de inscritos.
• Horario.

"XXXVIII CARREIRA POPULAR SAN XIAO"

Ferrol (A Coruña)

Domingo 23 de xaneiro 2022

Este domingo celébrase a "XXXVIII CARREIRA POPULAR SAN XIAO" onde as nosas cores estarán ben representadas grazas a unha amplia participación da nosa canteira.

• Listado de inscritos.

Esta fin de semana disfrutamos do regreso ao tartán da nosa atleta  Ana Camino Lacarte por partida dobre, xa que o venres disputou a proba de 60ml das "Pruebas de Control FNA PC" no módulo Zizur Mayor de Navarra acadando unhaa marca de 8.22s e o sábado pola tarde competiu no "Control A" disputado en Logroño tamén na proba curta de velocidade obtendo unha marca de 8.31s na seminifal.

• Resultados de Navarra.
• Resultados de Logroño.

Por outra banda, o sábado celebrouse en Asturias o "Campionato de Asturias de Inverno e Control de xavelina e marcha" na localidade asturiana de Gijón. onde tivemos a participación de tres das nosas atletas. Marina Pajón Area gañou a proba dos 5km marcha mellorando marca persoal ao facer 28'28''92. Así mismo, Laura Rico Bouza impúsoxe na proba de xavelina 500gr sub18 cunha marca de 35.71m. Por último, Paula González García proclamouse Campioa Asturiana de Inverno de 60 metros valos parando o crono en 8.86s.