Noticias Web FGA .- A elite galega parte rumbo ó Campionato de España Absoluto

Noticias FGA

A elite galega parte rumbo ó Campionato de España Absoluto

Un total de 43 galegos e galegas, tomarán parte esta fin de semana no acontecemento estatal máis importante da tempada como é a disputa do XCVIII Campionato de España Absoluto de Atletismo e que durante o sábado e domingo xuntará en Getafe a un total de 775 atletas.
Ata alí se achegarán os atletas galegos con aspiracións, metas e obxectivos ben distintos pero ca satisfación de poder tomar parte por méritos propios na cita máis importante do ano.
Na velocidade o único representante galego nos 100 m. Javi Cancela do C.A. Santiago, intentará facerse un posto nunha sempre cara final da proba raíña da velocidade ó igual que o coruñés Mauro Triana con idénticos obxectivos sobre o doble hectómetro.  Xiana González da Gimnástica e Sergio Rodríguez do Coruña Comarca nos 200 m. por unha banda e a medallista de bronce no Sub23 Paula Iglesias do Riazor Coruña e Pedro Juncal do Celta sobre os 400 m. pola outra, completan a lista de velocistas galegos nestes campionatos.
Nos 800 Raquel Meaños ca quinta mellor marca estará na loita polos postos importantes da proba o mesmo que Leti Fernández nos 1.500, proba esta última na que Solange Pereira loitará polo título nacional e Adrián Ben por estar o máis preto posible do podio.  Elian Numa do Coruña Comarca eFernando Vales do C.A. Santiago de igual modo, terán como obxectivo a mellora dos seus rexistros sobre os 800 m. Miguel González logo de deixar atrás problemas físicos tomará parte nos 1.500 m. na procura de sensacións.
Atención ós 5.000 m. onde as nosas representantes Esther Navarrete, que parte ca mellor marca, ePaula Mayobre, terceiro mellor rexistro, poderían dar a foto do campionato. Tariku Novales nesta mesma proba, estará na pelexa polos postos de medallas logo de acadar o título nacional dos 10.000 m. o pasado mes abril.
Nos valados curtos interesantísima igualdade entre Antía Martínez do Ría Ferrol, Alicia Merino eEmma Valencia do A.F. Celta, todas co mesmo rexistro acreditado de 14.59 e na que a loita será por coñecer quen é a mellor galega nesta cita. Miguel Pérez do Lucus será o representante masculino nesta distancia.
Nos valados longos Lía Caride do Ría Ferrol intentará facer un bo papel que lle permita mellorar marca e Carlos Moro do Riazor Coruña terá como difícil misión acadar posto de finalista.
Nos obstáculos a atleta francesa con ficha galega Alice Marie Genevieve vencedora no torneo de federacións, irá na procura dos postos de honra nunha proba na que tamén tomará parte a atleta valdeorresa internacional Eva Arias.
En altura e triplo, opcións claras de victoria para as internacionais Saleta Fernández e Ana Peleteirorespectivamente sobre os dous concursos que dominan amplamente. Atención en triplo a Ruth Ndoumbe que podería estar no caixón de medallas. Na lonxitude sexta mellor marca das participantes para Leticia Gil quen intentará saltar máis alá dos 6.20 m. e na que Jean Marie Okutu aspira a lograr o seu sexto título nacional logo dos acadados nos anos 2009, 2011, 2013, 2016 e 2017.
Nos lanzamentos outra clara opción de medalla representa o concurso da mundialista Belén Toimilen peso quen loitará polo ouro ca murciana Úrsula Ruíz. Un dos nosos máis admirados lanzadoresVíctor Gallego da Gimnástica estará un ano máis entre o máis granado do peso e disco proba esta última na que tamén concursarán Francisco Javier Guzmán da Gimnástica e outra das lendas do disco, Frank Casañas quen en a priori parte como favorito para a unha nova medalla que engadir ó seu dilatado palmarés nacional.
No martelo Irene Gómez do A.F. Celta nunha fantástica tempada acude a estos nacionais como premio a súa progresión sendo a xavelina onde a internacional do Barbanza Lidia Parada a priori parece ter asegurada a prata. Nesta mesma proba a gimnástica Andrea González deberá ratificar a súa pertenza a elite nacional logo da súa importante tempada. Manuel Uriz e Borja Barbeito, quenes comezan a sair das súas respectivas lesións, intentarán mellorar a MMT e estar entre os oito primeiros da proba de xavelina
Seguindo cos lanzamentos, interesantísimo duelo o que viviremos entre o Campión de Europa Máster Nacho Fernández do Celta e o valdeorrés Carlos Revuelta separados por apenas catro centímetros no martelo e cos postos de finalista ó alcance de ambos.
As combinadas contarán ca presencia da internacional do Celta Eva Queimaño e a do naronésAngel Menduiña, sendo a marcha onde Leyre Aramburu tomará parte con opción a estar entre as oito primeiras.
Neste mesmo escenario desenvolverase o Campionato de España de relevos onde a Sociedad Gimnástica de Pontevedra tomará parte co equipo masculino dos 4×400 m.

Noticia Web FGA .- Fantástico comportamento da Selección Galega

Noticias FGA

Fantástico comportamento da Selección Galega 

A nosa selección absoluta acadaría onte no Campionato de España de Comunidades desenvolto en Granollers unha fantástica quinta posición que a consolida un ano máis entre o top do atletismo nacional.  O encontro sería dominado pola selección catalana quen se imporía con 497 puntos, seguidos de andaluces e madrileños con 426,5, e valencianos con 423. A nosa comunidade lograría un total de 374 superando a seleccións importantes como a vasca e manchega. Con este posto Galicia repite e afianza esta importante posición logrado xa nos anos 2013, 2014, 2015 e 2017 e na que tan só o ano 2016 baixaría ata o sétimo posto.
A nivel de resultados, as baixas importantes de Triana, Chamosa, Peleteiro, Ben, Parada, ou mesmo Okutu, serían suplidas pola gran competitividade amosada por todos e cada un dos integrantes do combinado que de novo amosaron o seu compromiso e entrega, en todas e cada unha das probas pelexando ata o límite das mesmas.
O máis salientable serían os triunfos da nosa internacional Solange Pereira nos 1.500 m. con 4:22.20 e da francesa do Celta con ficha galega Marie Genevieve nos 3.000 m. Obstáculos con 10:28.96 nunha decisión de selección técnica arriscada e discutida, pero que se confirmaría como a máis acertada para os intereses galegos. Importante sería tamén a excelente contribución de Paula Mayobre co seu segundo posto sobre os 5.000 m. cun rexistro de 16:39.63.
O sector de lanzamentos sería un dos “motores” de Galicia cos segundos postos do noso pentaolímpico Frank Casañas en disco con 57.31 m. e da mundialista Belén Toimil no peso con 16.20 m. sempre fieles a chamada da Selección. Moi salientable unha vez máis, o terceiro lugar da Sub18 Irene Gómez en martelo lanzando ata os 52.62 m. Mesmo lugar e mesma importancia para para Carlos Moro, quen nos 400 m. valos con 52.04 melloraría en preto dun segundo a súa MMT.
Por último facer unha referencia ó fantástico comportamento dos equipos de relevistas a nivel xeral. Nesta ocasión serían os equipos femininos quenes lograran nada menos que o récord galego tanto nos 4×100 m. con 47.28 (l.Ferrer/C.Garrido/A.Pais/O.Becerril ) como no dos 4×400 m. con 3:45.03  (I.Oitaven/L.Sicre/S.Pereira/P.Iglesias) poñendo con elo o broche de ouro a unha gran xornada para o atletismo galego.

Noticias Web FGA .- Todo preparado na Selección Galega para a cita da fin de semana

Noticias FGA

Todo preparado na Selección Galega para a cita da fin de semana

Unha importante selección galega partirá no día de mañá rumbo Granollers para tomar parte no Campionato de España de Seleccións Autonómicas.
Malia que con moitas e importantes baixas, desprazaranse ata a cidade catalana un equipo en liñas xerais bastante equilibrado na que se conta ademáis ca participación de varios dos nosos internacionais que parten a priori como favoritos na loita polas primeiras posicións.
Sobre as posibles opcións do combinado galego, sempre resulta difícil determinar unha posición exacta ainda que non debería andar moi lonxe dos postos de honra colleitados nos últimos anos. Dende o ano 2011, onde se produciría a unificación das categorías masculinas e femininas, a Selección Galega lograría un cuarto posto no ano 2012 , catro quintos lugares nos anos 2013, 2014, 2015 e 2017 así como dous sétimos nas edicións do 2011 e 2016.
En canto ós galegos que tomarán parte ca selección e que se atopan por marcas entre os cinco mellores rexistros dos participantes, contamos no sector de velocidade con Javi Cancela que tomará parte nos 100 m. logo de marcar recentemente un rexistro de 10.49. Pedro Juncal pola súa banda tomará parte nos 400 m. onde defenderá o seu rexistro de 48.45.
No medio fondo e fondo, as internacionais Solange Pereira e Paula Mayobre serán unhas importantísimas bazas tanto nos 1.500 m. como nos 5.000 m. sen esquecernos da importante presenza de Leti Fernández nos 800 m., Alejo Ares nos 5.000 nin de Alice Marie Finot nos 3000 m. Obstáculos.
Os lanzamentos serán o puntal básico da nosa selección na que se contará nada menos que ca presenza dos internacionais absolutos Frank Casañas en disco e Belén Toimil en peso e disco. Non menos importante serán os concursos de martelo con Irene Gómez e Carlos Revuelta, así como deManuel Uríz e Andrea González na xavelina.
Xa nos saltos destacado concurso de Ruth Ndoumbe quen defenderá os intereses galegos na proba de triplo e na que unha Leticia Gil, en excelente estado de forma, intentará saltar sobre 6.20 m. na lonxitude.
Os relevos, en especial os curtos, serán outros dos sectores onde se acode con boas expectativas.

Noticia Web FGA .- Granollers agarda a Selección Galega Absoluta

Noticias FGA

Granollers agarda a Selección Galega Absoluta

Esta fin de semana a Selección Galega Absoluta acudirá a Granollers para tomar parte no XLIII Campionato de España de Federacións Autonómicas onde se medirá os mellores combinados do Estado. Nesta importante cita, o equipo de Catalunya está chamado novamente a proclamarse campión nunha edición na que veñen dominando claramente dende as súas orixes.
Facendo un pouco de historia, o primeiro ano de celebración deste certame sería 1976 onde as distintas federacións tomarían parte a un atleta por proba. Dous anos despois, no 1978, faríase un segundo encontro en sedes distintas para os equipos que tomaban parte xa na segunda categoría.
Con varios formatos de competición ó longo do tempo, no ano 2012 unificaríanse as categorías dando pé a que cada selección participe cun equipo feminino e masculino nun único encontro e no que as sumas de ambos determina a posición final das Seleccións.
A nosa Comunidade acollería no ano 2010 en Vigo a única celebración deste encontro na máxima categoría, sendo novamente Vigo no 1987, e A Coruña 1996 quenes a organizaran no grupo de prata.
En canto a triunfos, a Selección Galega gañaría os encontros masculinos de segunda división nos anos 1978 e 1982 (como Federación Provincial de A Coruña) 1991, 1996, 2002, 2005, 2007. O equipo feminino farían o propio tamén en segunda nos anos 1982 (como Federación Provincial de Pontevedra), 1996 e 2002. Os postos máis relevantes serían o segundo lugar das mulleres o ano pasado en Ciudad Real (quintos por Seleccións) e o terceiro lugar en homes do ano 2010 en Vigo.

Noticias Web FGA .- Intensa e importante actividade atlética autonómica

Noticias FGA

Intensa e importante actividade atlética autonómica

Importantes e variadas citas son as que durante esta fin de semana se desenvolverán tanto nas pistas coruñesas de Elviña como nas viguesas de Balaídos.
Para comezar as pistas da Universidade acollerán o I Campionato de Galicia de Clubs Máster que xuntarán a 200 atletas en representación dos equipos masculinos do Samertolameu, Marineda A., C.A.Narón, A Silva, C.A.Sada, C.A. Santiago e o Beade. Por parte da categoría feminina competirán as formacións de A Silva, C.A.Sada e Sanmertolameu na procura do primeiro título deste novedoso torneo. A cita dará comezo as 11:00 h. rematando sobre as 20:40 h.
As mesmas instalacións albergarán as probas correspondentes ó Campionato de Galicia Absolutoque quedaron suspendidas a semana pasada como consecuencia das adversidades meteorolóxicas e na que os concursos de lonxitude (16.30 h.), pértega (16.45 h.), xavelina e altura (18.15 h.)  así como o triplo (19.30 h.) na categoría feminina e os masculinos de triplo (18.35 h.) e xavelina (19.50 h.) serán desenvoltos.
Por último un Encontro de Probas Combinadas será tamén protagonista nas mesmas instalacións na que tomarán parte once atletas destacando a presenza da internacional do A.F. Celta Antía Queimaño.
Por último o XXXIV G.P. Cidade de Vigo arrincará as 19:30 horas do domingo nas pistas de Balaídos ca presenza de moi boa parte dos campións de Galicia da semana pasada e na que compre a presenza do olímpico Frank Casañas en disco, Mauro Triana nos 100 m. ou a xavelinista do Barbanza Lidia Parada. A proba será unha das últimas oportunidades para acadar as mínimas esixidas para tomar parte nos campionatos de España.

Noticias Web FGA .- Importantes bazas galegas no nacional Sub23

Noticias FGA

Importantes bazas galegas no nacional Sub23

Os días 7 e 8 de xullo un total de 619 incritos entre os que figuran 28 atletas galegos, tomarán parte no Campionato de España Sub23 que se desenvolverá en Soria.
Entre a presencia destacada dos nosos atletas salientamos a participación de Paula Iglesias do Riazor Coruña quen parte ca terceira mellor marca das participantes nos 400 m. con 55.35 de pista cuberta.  Pedro Juncal do Real Club Celta tomará parte sobre a mesma distancia con aspiracións a entrar na final.
Unha das principais bazas galegas será a do lucense Adrián Ben quen estará na saída nas probas dos 800 m. e dos 1.500 m. onde parte como favorito en ambas grazas ós seus 1:46.94 e 3:39.40 acreditadas recentemente.
Outro dos internacionais que estará presente será Tariku Novales quen figura inscrito nos 1.500 m. e nos 5.000 m. proba esta última na que parte como favorito grazas ós seus 13:49.39. Nesta mesma proba Vicente Suárez do Comesaña intentará estar entre os oito primeiros e a mellorar os seus 14:53.45 cos que se achega a esta cita. Iago Núñez do Lucus CRG inscrito nos 400 m. v. e nos 110 m. v. estará na loita polos postos de finalistas nesta última proba.
A internacional absoluta Saleta Fernández con 1.86 m. aspira claramente ó titulo nacional no concurso de altura sendo Anxo Blanco da Gimnástica quen intentará facer valer os seus 15.62 m. de pista cuberta para estar na loita polas medallas de triplo.
No sector de lanzamentos Sergio Paredes da Gimnástica terá como obxectivo o subcampionato de España xa que o andaluz Alberto González figura como claro favorito ó titulo. Do mesmo modo en peso, atención ás evolucións de Raquel Villa do Vila de Cangas quen podería dar a sorpresa no seu concurso.
Por último na proba de marcha Inés Valentín do Ourense Atletismo intentará rebaixar os seus 52:35.00 que lle permitan estar entre as oito primeiras da súa proba.
A maiores as mesmas pistas acollerán o Campionato de España de Clubs de Relevos Sub23 onde toman parte os equipos coruñeses do Marineda nos 4×100 m. masculinos e o Riazor Coruña nos femininos.

Noticias Web FGA .- Tres atletas galegos e un xuíz no Campionato de Europa Sub18 de Hungría

Noticias FGA

Tres atletas galegos e un xuíz no Campionato de Europa Sub18 de Hungría

Do día 5 ó 9 deste mes acontecerá na localidade húngara de Gyor o Campionato de Europa Sub18 á que acoden un total de tres atletas galegos e un xuíz do CGX.
Iría Rivas quen competirá na proba dos 5.000 m. marcha será a máis madrugadora das galegas abrindo o campionato as 11:25 horas do xoves día 5. Tomará parte na final composta por un total de vinte catro marchadoras e na que o seu rexistro de 25:08.70 representa a décimo cuarta mellor marca das participantes.
Irene Gómez será a seguinte das galegas en entrar no estadio tomando parte no Grupo B do concurso de martelo as 12:25 horas do mesmo día. A súa marca de 59.16 m. supón a décima do seu grupo e a vixésima segunda de todas as lanzadoras sendo as doce mellores marcas quenes entren na final.
A ferrolana Lucía Sicre completará a participación galega sobre os 800 m. ás 19:06 horas na terceira serie clasificatoria. O seu rexistro de 2:10.63 sitúanna de décimo novena dun total de corenta e oito atletas sendo, de igual modo, o cuarto mellor da súa serie. Clasificarán para as “semis” as dúas primeiras de cada carreira e os tres mellores tempos.
Por último o xuiz galego Ángel López – Montesinos será o outro dos representates galegos en Gyor, acudindo en calidade de xuíz como parte do equipo técnico que a Selección Española desprazará ata a cidade húngara.

Noticias Web FGA .- Selección para o Campionato de España de Federacións autonómicas

Noticias FGA

Selección para o Campionato de España de Federacións autonómicas

Acábase de publicar a listaxe de atletas que oficialmente figuran convocados para formar parte daSelección Galega de Atletismo que representará a nosa comunidade o vindeiro día 14 no Concello catalán de Granollers no XLIII Campionato de España de Federacións Autonómicas.
A esta importate cita acode a nosa selección cun total de 48 atletas que teñen como díficil reto intentar igualar ou mellorar a excelente actuación do ano pasado na que lembramos o equipo feminino acadaría un histórico segundo posto e un sexto a dos homes  .
Entre a lista de convocados compre salientar o sector do medio fondo ca presencia dos internacionais Tariku Novales e Solange Pereira nos 1.500 m. así como de Paula Mayobre nos 5.000 m. No resto de especialidades importantes nomes como os das lanzadores Belén Toimil en peso e disco, Lidia Parada e Manuel Uriz en xavelina e Frank Casañas en disco.
Nos saltos Saleta Fernández en altura e Ruth Ndoumbe en triplo configurarán a punta de lanza neste sector sen esquecer a un potente combinado de relevos do que se agarda un bo comportamento.
Ó fronte da expedición irá a Directora Técnica da FGA, Madó González, sendo os responsables dos sectores de velocidade e saltos José Carlos Tuñas e Santiago Ferrer quenes acudan en calidade de técnicos.
Todos/as os atletas deben confirmar (ou non) e sinalar os distintos aspectos que marca a circular adxunta antes das 20:00 horas do xoves día 5 de xullo.

Noticias Web FGA .- Brillaron nos seus nacionais os Máster e os Sub16

Noticias FGA

Brillaron nos seus nacionais os Máster e os Sub16

Excepcional balance o acadado esta fin de semana nos campionatos de España Máster e Sub16 na que se acadarían un total de 51 medallas entre os dous campionatos.
Principiando polo Campionato de España Sub16, un formidable rexistro de once medallas serían o que traerían os nosos atletas de Castellón, escenario do evento. Este número total de podios amosa o importante incremento no número de metais que dende o ano 2016 (5), 2017 (7) e 2018 (11) pon de relieve o excelente traballo formativo das categorías base que se está a desenvolver por toda a nosa comunidade da man dos verdadeiros impulsores do noso deporte: os adestradores.
Citando esas medallas, os ouros corresponderían para para Erik Méndez do R.C. Celta en martelo con 59.81 m.; Antía Sestelo do A.F. Celta en xavelina con 45.75; Daniel Mato do Millaraio en xavelina con 51.85 m. e para Lope Quinteiro do Vila de Cangas nos 1.000 m. con 2:35.01.
As pratas irían parar a Belén Arias do ADAS nos 300 valos con 43.88; Hugo García da SGP nos 3.000 m. con 8:56.49 e a María Pena de A Silva en xavelina con 44.90 m.
Por último non menos importantes esos catro bronces da man de Aitor Fernández da Atlética Lucense en Pértega con 3.76; David García do R.C. Celta en martelo con 56.81 m.; Nerea Lage do Friol nos 3.000 marcha con 15:01.54 e de  David Ngwudile do San Miguel de Oia nos 300 valos con 40.01.
No que atinxe ao campionato de España Máster desenvolto en Vitoria Gasteiz un total de 40 medallas (22 ouros, 12 pratas e 6 bronces) sería o balance final dos atletas galegos que acudirían ata a capital Alavesa para tomar parte no seu campionato número 52.
Emilia Mesa con tres medallas de ouro en peso, disco e xavelina e os dous récords galegos dos lanzamentos longos sería a protagonista da expedición galega na que tamén destacarían os dous ouros de Esther Pedrosa (F55) do Universidade de Santiago en 1.500 m. e 5.000 m;  Miguel Gómez(M35) do Real Club Celta quen se impondría nas probas de velocidade dos 100 m. e dos 200 m.Rosario Sureda (F50) nos concursos de altura e lonxitude e de Luz Dominguez (F55) quen faría o propio cos 400 m.e os 800 m.
A maiores estableceríanse oito récords galegos da man de Miguel López Cordal nos 300 m. v.; José Cabado (M50) nos 400 m. v.; Luz Domínguez (F55) nos 400 m.; Emilia Mesa (F65) no disco e xavelina ; David Vázquez (M35) na lonxitude; Pilar Márquiz (F65) nos 800 m. e José Bao (M60) nos 200 m.

Noticias Web FGA .- A auga non puido co espectáculo no Campionato de Galicia

Noticias FGA

A auga non puido co espectáculo no Campionato de Galicia

A climatoloxía convertiríase na protagonista do Campionato de Galicia Absoluto que se desenvolvería esta fin de semana nas pistas da Universidade da Coruña. Unha intensa tromba de auga, que alagaría boa parte da cidade, afectaría ó campionato ata o punto de ter que parar por casi unha hora o desenvolvemento do mesmo e de ter que cancelar boa parta dos concursos da segunda xornada.
Sen embargo ata ese instante, e logo da reanudación, produciríanse actuacións destacadas entre as que salientamos no sector de velocidade o dominio do mesmo por parte de Nerea Iglesias do Fontes do Sar e de Mauro Triana do Playas de Castellón, logo de impoñerse tanto nos 100 m. como nos 200 m. con 12.55 e 25.41 para a santiaguesa polos 10.66 e 22.11 do coruñés o que pon de relieve a importante progresión deste sector no atletismo galego.
Elian Nuna do Coruña sería outro dos protagonistas da xornada ratificando o excelente estado de forma polo que se atopa e impoñéndose nos 400 m. con 49.15 así como nos 800 m. con 1.52.53. Na categoría feminina o triunfo nos 400 m. sería para a atleta local do Riazor Coruña Paula Iglesiascon 56.82 correspondendo o título autonómico nos 800 m. para a internacional Raquel Meaños con 2:13.30.
No medio fondo Leti Fernández do ADAS gañaría os 1.500 m. cun excelente rexistro de 4:32.71 o mesmo que o atleta internacional Tariku Novales que fiel ó seu compromiso co atletismo galego tomaría parte nestos campionatos gañando a proba con 3:51.41.
Paula Mayobre, outras das internacionais presentes, faría un carreirón nos 5.000 m. na que correndo completamente soa marcaría un crono de 16:20.63. Esteban Iglesias do Lucus faría o propio ca súa final con 14:58.82.
Nos valados curtos femininos igualdade máxina con dúas atletas compartindo a primeira posición,Alicia Merino do A.F. Celta e Antía Martínez do Ría Ferrol ámbalas dúas con 14.59. Na categoría masculina máis doado sería o triunfo para Miguel Pérez do Lucus con 14.77. Carlos Moro do Riazor Coruña un ano máis con 52.95 e Lía Caride do Ría Ferrol con 1:03.24 nos 400 m. v. serían os dominadores da distancia. Xa nos obstáculos o protagonismo sería tanto para Patricie Viadel do Universidade de Santiago como para Marcos Fernández do Rungalicia.com .
No que atinxe ós concursos dos que se poideron desenvolver, salientamos ó internacional Adolfo Sainz Maza quen dominaría a altura con 1.89 m. o mesmo que Miguel Cajaraville faría o propio ca pértega con 4.65 m. Pablo Modia do Lucus proclamaríase campión galego nun interesante concurso de lonxitude con 7.23 m.
Nos lanzamentos a nosa mundialista Belén Toimil tamén fiel a gran cita, e malia non atoparse no mellor momento por varios problemas físicos, mandaría o peso e disco ata os 15.27 m. e 43.50 m.Víctor Gallego, o carismático capitán da Gimnástica, un ano máis estaría no máis alto do podio sumando o seu enésimo título autonómico en peso e disco con 16.30 m. e 51.67 m.
O martelo tería no campión de Europa de Pista Cuberta Máster, Nacho Fernández do Celta, ó seu dominador grazas os 60.90 m. do seu terceiro intento. A tamén celeste e tamén internacional Irene Gómez non tivo problemas para imponerse neste absoluto no que mandaría o martelo ata os 52.86 m.
Xa na marcha Leyre Aramburo gañaría sobre os 5.000 m. con 24.42.6 sendo José Fernéndez do Celta quen se imporía con 22.17.73 logo de que fai vinte anos tomara parte no último campionato desenvolto na mesma instalación e na que acadaría, por aquel entón, o cuarto posto.
A maiores o campionato serviría para homenaxear as pioneiras do atletismo galego e atletismo coruñés aproveitando os cincuenta anos ininterrompidos de celebración dos campionatos femininos. Así Isidoro Hornillos presidente da Federación Galega de Atletismo,  Xulio Abalde Reitor da Universidade da Coruña e Manuel Sande Concelleiro de Cultura e Deportes do Concello da Coruña serían os encargados de entregar as placas conmemorativas a estas precursoras do noso deporte.

Páginas

Suscribirse a Ría Ferrol Concepción Arenal RSS